صبّر قلوب البيض والسمر صبّر

اكتب بيوت الشعر صوّر وعبّر=منّك بيوت الشعر يقْطر شهدها

جبّر كسور بين الاضلاع جبّر=داو العيون اللي ذبحها رمدها

خبر قليل الفهم ياخوي خبّر=ان القصايد منْك تبني عمدها

صبّر قلوب البيض والسمر صبّر= اهدْ المعاني الساميه من نشدها

دبّر امور الليّ تبي الخير دبّر=مثلك الى رام المعالي صعدها

غَبّر عليها بعض الادناس غَبّر=والهم ما بين الحنايا جهدها

كل بعينه لا ظلم الليل سبّر= والعهد ضايع ماوفى من وعدها

انا بهلل وانت يالفهد كبّر=الله يلهم كل بنتٍ رشدها